قصيدة الشراري يوم ركب الطايرة * طريفة * يوجد صوت

[السامر]

ودعت ناجح من مطار القريات
يوم اركبونا الطايره واشلعتنا

لفت ودارت وامرجت بين لحظات
لولا الكراسي والمحازم رمتنا

طاروا بنا حمرالعلابي خواجات
زغر العيون وجيههم هولتنا

تكفى تشهد يافهد واقرا الآيات
الموت جانا والظروف اجبرتنا

جانا المظيف قال وشفيه خدمات
قلت نزلونا ابطونا موجعتنا

من قبل اشوف الغيم دون السموات
واليوم اشوفه يافهد من تحتنا

عزالله اني ماحسبت الحسابات
والا ترى سيارتي موصلتنا

يازين ممشى الارض لوهي مسافات
لنا بشعيب مجهزين قهوتنا

وش جابني للطايره والمطارات
والله ماعود اركوبها ان نزلتنا

لوتنفجر قامت تذيع المحطات
رح عاد دورقشنا مع اجثثنا

منقول/ الشاعرابن مطرودالشراري.

[السامر]

سمعها شاعر عنزي فرد عليه

يامودع ناجح بمطار القريات
قصتك لو تضحك ترا حيرتنا

ياليت ماقالو ترانا شرارات
ليت الخوي قال لخويه سكتنا

هذي قبيله تنعرف بالشجاعات
كلن تقول من القبايل غزتنا

بالطايرة لو مت من عرض من مات
ولاقلت ان الطايرة خوفتنا

بالطايرة خايف وبالقلب دقات
قلت العيون اللي تبينا بكتنا

لاتفتخر بالخوف وتسجل ابيات
ولو انت ماسجلتها ماشمتنا

الناس يابن الناس ترقا درجات
هذي تجارب وقتنا علمتنا

شف الشجاع اللي رقا بالطويلات
فوق القمر يحمل علم مملكتنا

سلطان ابن سلمان زبن الونيات
اللي فعوله بالدول شرفتنا

هذا كلام الوايلي بالاشارات
يوم الشمالي قصته زعلتنا

والختم صلو بسم رب السموات
على الرسول المصطفى خاتمتنا

*******
لما عرف الشراري برد العنزي رد يبين موقفه وقال

هذا حديد مايعرف الشجاعات
ولاهو آدمي وتخوفه مرجلتنا

عنتر بلش بالثور صابه مخافات
.... ....من بلشته وثمتنا

يالوايلي لاتشك مابنا مشكات
حنا لاوادم كلها عارفتنا

حنا نحب الضحك بالشعر وابيات
لو قلت خوف الناس ماصدقتنا

كل ماسمعته بالقصيده دعايات
لايصيبك شك الطايره خوفتنا

المرجله معنا عليها شهادات
ان ماشريناها تراها شرتنا

لو ندعي بالخوف مزح وخرافات
والحرب خطه للجيوش اجهلتنا

اليا انسحب يرجع بقوه وهجمات
لين العدو ينحاش من منطقتنا

وان كان سلطان ارتفع للمجرات
قبله امريكا وروسيا سابقتنا

خل المحاور بيني وبينك بالذات
لا تدخل الامارة في سالفتنا

[السامر]

إضافة

وجدت هذا المقطع الصوتي لكامل القصائد

مع أطيب الأماني لكم بالسعادة دنيا ودين

http://www.youtube.com/watch?v=wkFzHYAN3Lw&feature=player_embedded

[غريب الدار]

السامر
الف شكر لك
والله يرزقك الذريه الصالحه

[السامر]

غريب الدار

شكر لمرورك يالغالي

أسعدك الله دنيا ودين

[سري للغاية]

مشكور أخي السامر على القصائد

[السامر]

الثعبان


شكرا لمرورك يالغالي

أسعدك الله دنيا ودين